Bryllaupssessionen er ofte den einaste stunda i løpet av dagen der de får vere litt for dykk sjølve. Midt mellom vielse, gratulasjonar og fest får de eit lite pusterom – ei stund til å senke skuldrene, ta inn alt som har skjedd og berre vere saman.

Det er i desse augneblikka dei mest ekte bileta blir skapte.

Eg planlegg fotograferinga saman med dykk i god tid før bryllaupet. Vi går gjennom ønskje, tidsplan og kva uttrykk de ser føre dykk. For mange betyr det også at eg reiser ut og ser på aktuelle lokasjonar på førehand, slik at vi finn dei beste plassane og det vakraste lyset. Ein god plan gjer at fotograferinga flyt naturleg, og at de kan bruke tida på kvarandre – ikkje på å lure på kvar vi skal eller kva som skjer vidare.

Sessionen blir alltid tilpassa dykk. Nokon ønskjer klassiske og tidlause portrett, andre drøymer om meir kunstnarlege bilete, romantiske stemningar, humor eller eit meir dokumentarisk uttrykk. Mange ønskjer også å kombinere fleire stilar. Det viktigaste er at bileta speglar kven de er.

Vi kan fotografere før eller etter vielsen, med eller utan barn, og gjerne inkludere familie eller forlovarar dersom de ønskjer det. Eg hjelper dykk med å finne den løysinga som passar best for dagen dykkar.

Gi dykk sjølve tid

Mitt beste råd er å setje av god tid til fotograferinga. Når de slepp å sjå på klokka kvart femte minutt, skjer det noko heilt spesielt. De pustar lettare, finn roa og får verkeleg kjenne på at de nettopp har sagt ja til kvarandre. Det er ofte då dei vakraste blikka, smilet som kjem heilt av seg sjølv og den nære kontakten oppstår.

Gode førebuingar gir den beste opplevinga

Til alle heil­dagsbrudepara mine får de eit eige bryllaupsmagasin med råd, inspirasjon og praktiske tips før den store dagen. De får også ei detaljert huskeliste på e-post, slik at de kan førebu dykk best mogleg og kjenne dykk trygge på alt som skal skje.

Eg anbefaler også at ein eller to forlovarar blir med under fotograferinga. Dei er ofte til uvurderleg hjelp – dei kan halde buketten, rette på sløret eller kjolen, passe på små detaljar og vere eit ekstra sett med auge. Det gjer at vi kan arbeide effektivt, samstundes som de får ei meir avslappa og behageleg oppleving.

Mitt mål er ikkje berre å skape vakre bryllaupsbilete. Eg ønskjer at fotograferinga skal bli ei av dei finaste stundene de sit att med frå dagen – ei lita pause der verda stoppar opp, og alt som betyr noko, er den de står framfor.

For når de gløymer kameraet og berre ser på kvarandre, er det då magien oppstår.